Marcos admin officials itinangging isinuko sa ICC si Rodrigo Duterte
METRO MANILA, Philippines — Naninindigan si Justice Secretary Jesus Crispin Remulla na hindi isinuko ng gobyerno sa International Criminal Court (ICC) si dating Pangulong Rodrigo Duterte.
Ipinaliwanag ni Remulla na ang pag-aresto kay Duterte ay ginawa ng ng Interpol base sa inilabas na red notice na hiniling ng ICC.
Ito rin ang iginiit nina Defense Secretary Gilbert Teodoro at National Security Adviser Eduardo Año, na kapwa sinabing hindi tinulungan ng gobyerno ang ICC sa pag-aresto sa dating pangulo.
BASAHIN: Higit 50% ng mga Pinoy pabor panagutin si Duterte sa drug war
Idinagdag na paliwanag ni Remulla na hindi sila nakipag-ugnayan sa ICC at ang isinagawa ng ICC ang kanilang imbestigasyon sa sarili nilang pamamaraan.
Sinegundahan din nina Teodoro at Año ang paliwanag ni Remulla.
Nilinaw pa ni Remulla na bagamat hindi miyembro ng ICC ang Pilipinas, may hurisdiksyon ang international tribunal sa mga indibiduwal anuman ang kanilang pagkamamamayan.
Sabi pa niya na sumusunod ang Pilipinas sa International Humanitarian Law, bukod sa Republic Act No. 9851 — o An Act Defining and Penalizing Crimes Against International Humanitarian Law, Genocide and Other Crimes Against Humanity.
Humarap ang tatlong miyembro ng gabinete sa pagdinig ng Senate committee on foreign relations, na pinamumunuan ni Sen. Imee Marcos.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.