Importasyon ng bigas bumaba, magandang ani inaasahan ng DA
METRO MANILA, Philippines — Bumaba na ang pag-aangkat ng bigas dahil sa panahon na ng pag-ani sa Pilipinas, ayon sa pahayag nitong Biyernes ng Department of Agriculture (DA).
Simula noong Enero hanggang noong ika-13 ng Marso, umabot lamang sa 640,915 metric tons ng imported na bigas ang dumating sa bansa na mababa ng higit 1.19 million metric tons kumpara sa katulad na panahon noong 2024.
Ayon pa kay DA spokesman Arnel de Mesa, sa 1,428 na naaprubahang sanitary and phytosanitary import clearance (SPSIC), 933 lamang ang nagamit.
BASAHIN: P58 per kg MSRP sa imported rice ipapatupad sa Metro Manila muna
Sinabi pa ng opisyal na inaasahan ang magandang ani ng palay ngayon taon kayat magkakaroon ng pagbabago sa dami ng aangkatin na bigas.
Noong nakaraang taon, umabot sa 4.8 million metric tons ng bigas ang inangkat ng Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.