20 pulis, nagpositibo sa nationwide drug test ng PNP; SPO4 ang may pinakamataas na ranggo

Dalawampu sa nasa 22,237 na pulis personnel sa buong bansa na sumailalim sa drug test ang nag-positibo.

Ayon sa datos ng Philippine National Police, sa dalawampung nagpositibo, isang SPO4 ang may pinakamataas na ranggo.

Lima sa 20 ay mula sa Luzon, 6 sa Visayas at 9 sa Mindanao.

Ang mga nagpositibo sa drug test ay mayroong labinglimang araw para iprotesta ang resulta.

Sasailalim din sila sa confirmatory test at ang magiging resulta ng ikalawang pagsusuri ay ipapadala sa kanilang immediate superior.

Sa mga susunod na araw ay lalabas pa ang resulta ng isinagawa pang drug test ng PNP sa lahat ng regional office sa buong bansa.