DFA dumistansiya sa pag-aresto kay dating Pangulong Duterte
METRO MANILA, Philippines — Ipinasakamay ng Department of Foreign Affairs (DFA) sa mga kinauukulang ahensiya ang pagbibigay linaw at paliwanag sa pag-aresto kay dating Pangulong Rodrigo Duterte.
Kinatuwiran ni Secretary Enrique Manalo na hindi na miyembro ng International Criminal Court (ICC) ang Pilipinas.
Sinabi pa ng kalihim na bahala na ang Department of Justice at Department of the Interior and Local Government na magpaliwanag ukol sa pag-aresto kay Duterte.
BASAHIN: ICC arrest warrant isinilbi kay dating Pangulong Duterte sa NAIA
Inamin ni Manalo na hindi malinaw sa kanya ang proseso sa pag-aresto sa isang dating pangulo ng bansa kahit hindi na miyembro ng ICC ang Pilipinas.
Magugunita na noong 2019 kumalas sa ICC ang PIlipinas base sa utos ni Duterte dahil sa pag-iimbestiga sa kanyang kampanya kontra droga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.