Lakas-CMD, NP ang mga dominanteng partido pulitikal – Comelec
METRO MANILA, Philippines — Tinukoy ng Commission on Elections (Comelec) ang Lakas-CMD bilang dominant majority political party para sa halalan sa darating na Mayo 12.
Samantalang, ang Nacionalista Party (NP) naman ang kinilalang dominant minority base sa inilabas na Resolution No. 1119 ng Comelec.
Nangangahulugan ito, ayon kay Comelec Chairman George Erwin Garcia, na ang dalawang partido pulitikal ang tatanggap ng mga kopya ng election returns.
BASAHIN: Alyansa ng Lakas, PFP ang pinakamalakas – Romualdez, Revilla
Sinabi pa ni Garcia na ang Lakas-CMD at NP ay magkakaroon ng kanilang sariling server para sa mabilis nilang pagbilang ng mga boto at upang maberepika na rin ang resulta ng botohan.
Labing-isang partido pulitikal ang nag-apply na kilalanin na dominant majority at minority parties. Bukod sa Lakas-CMD at NP, eto pa mga kabilang sa listahan:
- Akbayan Citizens Action Party
- Aksyon Demokratiko
- Liberal Party of the Philippines
- Nationalist People’s Coalition
- National Unity Party
- Partido Demokratiko Pilipino-Lakas ng Bayan
- Partido Demokratikong Reporma
- Partido Federal ng Pilipinas
- United Nationalist Alliance.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.