Pinsala inaasahan sa magnitude 5.2 na lindol sa Davao del Sur
METRO MANILA, Philippines — Inaasahan ng Philippine Institute of Volcanology and Seismology (Phivolcs) na nagdulot ng pinsala ang 5.4 magnitude earthquake na tumama sa Davao del Sur nitong Martes.
Bukod dito, inaasahan din ng Phivolcs ang aftershocks sa lindol na naitala nang 9:42 a.m.
Natunton ang sentro ng lindol na 2 km sa timog-silangan ng Matanao sa lalim na 10 km.
Ito ay naramdaman na Intensity V sa Matanao at Magsaysay sa Davao Del Sur at Intensity IV sa Kidapawan City, Malungon, Sarangani; Tampakan at Tupi sa South Cotabato.
BASAHIN: Phivolcs: Visayas, Mindanao niyanig ng dalawang lindol
At Intensity III naman sa Magpet, Cotabato; Davao City, Davao del Sur, General Santos City at Banga, South South Cotabato; President Quirino at Columbio, Sultan Kudarat.
Samantalang, Intensity II sa Pikit, Cotabato; Jose Abad Santos, Davao Occidental; Kiamba, Sarangani; Suralia, Norala, Santo Nino at T’Boli sa South Cotabato; Lambayong at Isulan sa Sultan Kudarat.
Naramdaman din ang lindol sa lakas na Intensity I sa Don Marcelino, Davao Occidental; Nabunturan, Davao de Oro; Lake Sebu, South Cotabato; Esperanza, Kalamansig at Bagumbayan sa Sultan Kudarat.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.