METRO MANILA, Philippines — Sinabi ni Senate Majority Leader Francis “Tol” Tolentino na personal na niyang naiparating kay Pangulong Ferdinand “Bongbong” Marcos Jr., ang panukala niyang pagbuo ng West Philippine Sea Command.
Ayon kay Tolentino, sinabi sa kanya ni Marcos na pag-aaralan ang kanyang panukala, gayundin ng Armed Forces of the Philippines (AFP).
Nagkaharap sina Marcos at Tolentino sa campaign rally ng mga kandidato sa pagka-senador ng Alyansa ng Bagong Pilipinas sa Iloilo kahapon ng Huwebes.
BASAHIN: Marcos, Teodoro urged to create West Philippine Sea Command
BASAHIN: Tolentino nabastusan sa pahayag ng China sa Ph resupply mission sa Ayungin Shoal
Unang isinapubliko ni Tolentino ang panukala noong Miyerkules, at aniya sa pagkakaroon ng isang AFP Command na tututok sa pagbabantay sa West Philippine Sea ay mas mapapangalagaan ang teritoryo at soberanya ng Pilipinas.
Ginawa ito ng senador dahil sa nagpapatuloy na panghihimasok ng Chineses vessels sa karagatan ng Pilipinas.
Dinagdag pa ni Tolentino na kapag nagkaroon ng West Philippine Sea Command ang Armed Forces of the Philippines ay mas mapapagtibay ang pagpapatupad ng bagong Philippine Maritime Zones Act.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.