Malacañang binuweltahan kampo ni Rody Duterte ukol sa 2025 budget

By Jan Escosio January 20, 2025 - 01:05 PM

PHOTO: Composite of Malacañan Palace with logo superimposed
INQUIRER.net file photo

METRO MANILA, Philippines — Tinawag na “fake news” ng Malacañang ang online reports ukol sa 2025 national budget na sinasabing ipinakalat ng kampo ni dating Pangulong Rodrigo Duterte.

Binatikos ni Executive Secretary Lucas Bersamin ang bintang na mistulang pumirma ng blangko na tseke si Pangulong Ferdinand Marcos Jr. nang pirmahan nito ang P6.32 2025 national budget noong nakaraang ika-30 ng Disyembre.

Idiniin ni Bersamin na malisyoso ang ipinakalat na ulat at aniya binasa ni Marcos ang bawat pahina ng pambansang pondo.

BASAHIN: 2025 national budget pinirmahan na ni Marcos

Idinagdag pa niya na sumailalim sa pagbusisi ng Senado at Department of Budget and Management ang 4,057 pahina ng 2025 Government Appropriations Act.

Ang kumalat na video ay mula sa YouTube account ni Davao City Mayor Sebastian Duterte at napanood ang mga pahayag ng dating pangulo at ni Davao City 3rd District Rep. Isidro Ungab na may 13 pahina ang wala o blangko na halaga ng nararapat na pondo.

Hinikayat ni Bersamin ang publiko na suriin ang 2025 budget na nasa website ng DBM.

Sabi pa nito, batid ng dating pangulo at ng. mga kaalyado nito na hindi maaring may blangko sa mga pahina ng pambansang pondo.

TAGS: 2025 national budget, Ferdinand Marcos Jr., Rodrigo Duterte, 2025 national budget, Ferdinand Marcos Jr., Rodrigo Duterte

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.