P20,000 na incentive sa gov’t employees aprub ni Marcos
METRO MANILA, Philippines — Inaprubahan ni Pangulong Ferdinand “Bongbong” Marcos Jr. ang pagbibigay ng P20,000 one-time service recognition incentive (SRI) sa mga kawani ng gobyerno.
Base sa Administrative Order No. 72, magsisimula sa ika-15 ng Disyembre ang pagbibigay ng SRI.
Ibibigay ito sa lahat ng mga kawani, — regular, contractual, at casuals — ng mga ahensiya ng gobyerno, kabilang ang mga nasa government-owned or -controlled corporations (GOCCs) at state colleges and universities (SUCs).
BASAHIN: Contract workers gawing regular na – Budget chief
Kasama din ang mga pulis, sundalo, bumbero, jail officers, corrections officers, at Coast Guard personnel.
Nilinaw din na ang mga tatanggap ay dapat kawani hanggang noong nakaraang ika-30 ng Nobyembre.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.