Senate arrest order isisilbi sa kapatid ni Alice Guo sa NAIA
METRO MANILA, Philippines — Nakikipagugnayan na ngayong Huwebes ang Senate Office of the Sergeant-at-Arms sa Manila International Airport Authority (MIAA) para sa pagsisilbi ng arrest order kay Sheila Guo, kapatid ni dismissed Bamban, Tarlac Mayor Alice Guo.
Ito ang ibinahagi ni Senate President Francis “Chiz” Escudero.
Nakatakdang dumating sa NAIA Terminal 1 anumang oras ngayon hapon si Sheila Guo.
BASAHIN: Dalawang kasama ni Alice Guo naaresto sa Indonesia – Abalos
Sinabi pa ni Escudero nakipag-ugnayan na sila sa opisina ni Sen. Risa Hontiveros kaugnay sa mosyon ni Sen. Sherwin Gatchalian na i-cite for contempt si Cassandra Ong.
Ngunit sabi ni Escudero may arrest order ang Kamara kay Ong.
May nakahanda ng detention room para sa pamilya Guo sa Senate compound.
Sina Sheila Guo at Cassandra Ong ay naaresto ng mga awtoridad sa Indonesia kahapong Miyerkules.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.