METRO MANILA, Philippines — Maghahain ng resolusyon si Sen. Ronald “Bato” dela Rosa para maimbestigahan sa Senado ang mga ibinunyag noong nakaraang linggo ni dating Bureau of Customs intelligence agent Jimmy Guban sa Kamara.
Umaasa din si dela Rosa na itatalaga sa pinamumunuan niyang committee on public order and dangerous drugs ang ihahain niyang resolusyon.
Ngunit sinabi na ng senador nitong Lunes na marami na sa mga isiniwalat ni Guban sa “quadcom” hearing ay hindi kapani-paniwala, kabilang na ang pagkakasangkot nina Hans Carpio at Davao Rep. Paolo Duterte — na asawa at kapatid ni Vice President Sara Duterte — sa drug smuggling.
BASAHIN: P56M na shabu sa balikbayan box mula Thailand nasamsám ng BOC
BASAHIN: Names dropped by ex-BOC exec invited to next quad-comm hearing
Kapansin-pansin na rin daw na “scripted” ang testimoniya ni Guban sa apat na komite.
Idiniin ni dela Rosa na ipaubaya lamang sa kanya ang pangunguna sa pagdinig at tiwala siya na mapapalabas niya ang katotohanan.
Samantala, nilinaw niya Rosa na hindi kasama si Antipolo Rep. Romeo Acop sa mga pinatsudahan niya na mga mambabatas na dating puring-puri sa drug war ng nakaraang Duterte administrasyon at ngayon ay bumaligtad na ng posisyon.
Sinabi pa ng senador na malaki ang respeto niya kay Acop, na kanyang upperclassman sa Philippine Military Academy (PMA), kayat hindi isyu sa kanya ang pagtawag nito sa kanya na “lapdog” ni dating Pangulong Rodrigo Duterte.