PSA tiniyák ang tulong sa pagpuksâ sa mga fake birth certificate
METRO MANILA, Philippines — Patuloy na makikipagtulungán ang Philippine Statistics Authority (PSA) sa ibat-ibáng ahensya ng gobyerno sa kampanyá laban sa pagkalat ng mga fake birth certificate.
Ito ang tiniyák ni PSA Director Geneneral Dennis Mapa nitóng Linggó.
Ániya, ang PSA ang nagbahagî sa National Bureau of Investigation (NBI) ng mga impormasyón kaugnáy sa naibigáy na palsipikadong birth certificate sa 200 Chinese nationals mulâ sa Santa Cruz, Davao del Sur.
Sinabi ni Mapa na ang mga palsipikadong birth certificate ay inisyu ng lokál na civil registry.
BASAHIN: ‘Invisible’: 3.7M na Filipino waláng birth certificate – Jinggoy Estrada
BASAHIN: Bane of late birth registration – INQUIRER EDITORIAL
Sinibák na ng alkalde ang civil registrar kasunód ng rekomendasyón ng PSA.
Base na rin itó sa katulád na insidente na inimbestigahan ng ahensya noóng nakaraáng taón.
Noóng nakaraang Nobyembre, nadiskubré sa mga pagdiníg sa Senado na may higit 300 palsipikadong birth certificate ang ginamit ng mga banyagà at mga Filipino para sa aplikasyón ng Philippine passport.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.