2 milyón na jobless ikinababahalà ni Sen. Jinggoy Estrada
METRO MANILA, Phililppines —Nababahalà si Senate President Pro Tempore Jinggoy Estrada sa ulat ng Philippine Statistics Authority (PSA) na tumaás ang biláng ng mga Filipino na waláng trabaho.
Sinabi ni Estrada nitóng Martés na patunay lamang itó na maraming Filipino ang nahihirapang makahanap ng maayos na trabaho o pagkakakitaan.
Nararapat aniya na magtulungán ang lehislatura, ang mga ahensya ng gobyerno, at pribadong sektór para sa mga solusyón sa isyu.
BASAHIN: Jobless Filipinos dumami noong Disyembre – SWS survey
BASAHIN: Villanueva isinusulong solusyon sa ‘job-skills mismatch issue’
Kabilang na ang paglikhâ ng mga bagong trabaho, skills development, at mga programa para umayon ang mga kurso sa kailangan sa mga industriya.
“Hindi dapat tayo magíng kampante. Indikasyón itó na marami pa rin sa ating mga kababayan ang nangangailangan ng tulong upang matugunán ang pangangailangan ng kanilang pamilya,” ani Estrada.
Idiniín niyá na makatuwiran lamang na may dignidád sa trabaho ang mga Filipino at mabigyan silá ng pagkakataón na makapag-ambág sa paglagô ng ekonomiya ng bansâ.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.