Ilegál na mga POGO may koneksyón ba sa isá pang scandal?
METRO MANILA, Philippines — Nagpahiwatig si Sen. Risa Hontiveros na inaalám na nilá kung ang mga nabubunyág na ilegál na mga Philippine offshore gaming operator (POGO) hubs ay may kaugnayan sa malakíng kontrobersya na inimbestigahán na din ng Senado.
Tumanggî si Hontiveros na tukuyin ang naunáng kontrobersiya dahil sa sinusubukan pa niláng mabuô ang “puzzle” ng posibleng kaugnayan nitó sa pag-iimbestigá nilá ngayon sa mga POGO.
Itó rin aniya ang dahilan kayát hindí pa maisará ng pinamumunuan niyang Committtee on Women and Children ang pagdiníg ukol sa sinalakáy na POGO hub sa Bamban, Tarlac, na nasundan pa ng isa pang POGO hub sa Porac, Pampanga.
BASAHIN: Lapid dumaló sa POGO hearing para sagutín paratang ng vlogger
BASAHIN: Puksaín mga sindikato, huwág mga POGO – Pagcor chief Tengco
May impormasyón na ang maaaring tinutukoy na naunáng kontrobersiya ay ang Pharmally scandal — o ang isyu ng “overpriced COVID-19 essentials.”
Sa pagdinig kahapong Miyerkules, naipakita ang isáng larawan na magkasama siná suspended Bamban, Tarlac Mayor Alice Guo at dating Pangulong Rodrigo Duterte.
Nagsimuláng mamayagpág ang mga POGO sa bansâ sa nakalipas na administrasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.