METRO MANILA, Philippines — Limá sa anim na komisyoner ng National Commission of Senior Citizens (NCSC) ang nanawagan sa kaniláng chairman na si Franklin M. Quijano na magbitíw na sa puwesto.
Ang limá ay sina Mary Jean Loreche, Edwin Espejo, Reymar Mansilungan, Rainier Cruz, at Enriqueta Rodeles.
Ayon sa kanilá marami siláng mga seryosong alegasyón laban kay Quijano at ang mga itó ay naiparatíng na nilá sa Office of the President (OP) at Office of the Executive Secretary.
Bukód pa dito ay may mga kinahaharáp na mga reklamo si Quijano sa Office of the Ombudsman base sa nagíng pagdiníg ng House Special Committee on Senior Citizens.
BASAHIN: Commissioner ng NCSC sinuspindi ng Malakanyang dahil sa ibat-ibang reklamo
Kabilang sa mga alegasyón ay may kaugnayan sa paggamit ng pondo at sa paraán ng pamumunò.
Itinalagâ si Quijano sa puwesto nóong 2019 ni noón ay Pangulong Rodrio Duterte at iláng beses ng nasangkót sa mga kontrobersya.