Mag-ingat sa sumisikat na ‘magic mushroom’ – PDEA

By Jan Escosio May 24, 2024 - 01:55 PM

PHOTO: Facade of PDEA headquarters STORY: Mag-ingat sa sumisikat na ‘magic mushroom’ – PDEA
Ang harapan ng headquarters ng Philippine Drug Enforcement Agency sa Quezon City (Larawan mula sa Facebook page ng PDEA)

METRO MANILA, Philippines — Nagbabala sa públiko ang Philippine Drug Enforcement Agency (PDEA) na delikado sa kalusugan ang tinatawag na “magic mushroom” — bukód pa sa ipinagbabawal ang pagtatanim, pagbebenta, at paggamit nito.

Ang magic mushroom ay may tagláy na psilocybin, isang hallucinogenic na ilegál na droga, ayon sa Dangerous Drugs Board (DDB).

Nitóng nakalipas na ika-18 ng Mayo, nagsagawâ ang PDEA ng buy-bust operation sa isang beach resort sa Barangay Galongen sa Bacnotan, La Union, kung saan kabilang sa mga nasamsam ay mga chocolate bar, lollipop, at Gummy Bear na candy na may sangkáp na magic mushroom.

BASAHIN: P212-M halaga ng shabu nasabat ng BOC, PDEA sa Clark

BASAHIN: P4.51B halaga ng ibat-ibang droga winasak ng PDEA

Nakakumpiska din sa operasyon ng marijuana joints, ecstacy, kush at cocaine, na may kabuuang halaga na P145,000.

May pitóng inaresto sa operasyón, kabilang ang isáng banyagà.

Sinabi pa ng PDEA na kalát na sa social media ang mga anunsiyo na nakakapagpagalíng ng mga sakit ang magic mushroom.

Ayon pa sa mga social media infliuencers at ilang personalidád ito ay bahagì ng tinatawag na “soul therapy” sa yoga.

TAGS: magic mushroom, Philippine Drug Enforcement Agency, magic mushroom, Philippine Drug Enforcement Agency

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.