39 na lugar makakaranas ng ‘danger level heat indices’ – Pagasa

MANILA, Philippines — Nagbabala ang Philippine Atmospheric, Geophysical and Astronomical Services Administration (PAGASA) na 39 lugar sa bansa ang makakaranas ng “danger level heat indices” ngayon Huwebes.

Ayon sa inilabas na abiso ng ahensiya, ang mainit at maalinsangan na panahon ay epekto ng El Niño.

Sinabi ni weather specialist Aldczar Aurelio maari naman may ilang lugar na makaranas ng mahinang pag-ulan sa hapon at gabi.

BASAHIN: PAGASA sa publiko: Mahalaga na alam ang heat index sa lugar

BASAHIN: 60°C heat index naramdaman sa Casiguran, Aurora; pinakamainit ngayon taon

Maaring 48°C daw ang maitatalang pinakamataas na heat index at ito ay sa Pili, Camarines Sur, samantalang 47°C naman ang init sa Dagupan City, Pangasinan.

Eto naman ang mga heat index sa iba’t iba pang mga lugar:

• 37°C sa Metro Manila
• 42°C sa Science Garden Quezon; Sinait, Ilocos Sur; Mariano Marcos State University, Batac, Ilocos Norte;  Isabela State University, Echague, Isabela; Clark Airport; Central Luzon State University sa Muñoz, Nueva Ecija; Baler, Aurora; Sangley Point, Cavite

• 42°C sa Ambulong, Tanuan, Batangas; Infanta, Quezon; Alabat, Quezon; Calapan, Oriental Mindoro, Masbate City, Masbate; Mambusao, Capiz; Catbalogan, Samar; Dipolog City, Zamboanga del Norte; at Zamboanga City, Zamboanga del Sur
• 43°C sa Ninoy Aquino International Airpor; Aparri, Cagayan; Iba, Zambales; Casiguran, Aurora; Coron, Palawan; San Jose, Occidental Mindoro; Legazpi City, Albay; Virac, Catanduanes; at La Granja, La Carlota, Negros Occidental
• 44°C sa Bacnotan, La Union; Tuguegarao City, Cagayan; Cubi Point, Subic Bay, Olongapo City;  Puerto Princesa City, Palawan; Aborlan, Palawan; Roxas City, Capiz; Iloilo City, Iloilo; Dumangas, Iloilo; at Catarman, Northern Samar
• 45°C sa Laoag City, Ilocos Norte
• 46°C sa Tacloban City, Leyte

TAGS: heat index, Pagasa, heat index, Pagasa