P200-M halaga ng shabu na idinaan sa NAIA nasabat

By: Jan Escosio - 4 weeks ago

Ang nasabat na 32 kilo ng shabu na nagmula sa Zimbabwe. (BOC-NAIA PHOTO)

Nakakumpiska ang mga tauhan ng Bureau of Customs – Ninoy Aquino International Airport (BOC-NAIA) ng isang package na naglalaman ng 32 kilo ng shabu.

Nabatid na idineklarang “machinery muffler” mula sa Zimbabwe ang laman ng package na nasabat sa Paircargo Warehouse sa Pasay City. Sumailalim sa pagbusisi ng Customs Intelligence and Investigation Service, x-ray screening ng X-Ray Inspection Project, at k9-dog sniffing bukod sa pysical examination ang package. Nakipag-ugnayan din ang BOC sa Philippine Drug Enforcement Agency (PDEA) at NAIA Inter-Agency Drug Interdiction Task Group kayat naaresto ang babaeng consignee ng droga na nagkakahalaga ng higit P218 milyon. Mahaharap sa mga kasong paglabag sa Customs Modernization Tariff Act at Comprehensive Dangerous Drugs Act ang naarestong suspek.