OFW pauwi ng Pilipinas, napaanak sa eroplano

Isang overseas Filipina worker (OFW) ang napaanak sa eroplano habang pauwi ng Pilipinas, ayon sa Overseas Workers Welfare Administration (OWWA).

Base sa impormasyon, nagmula sa Egypt ang naturang OFW at sakay ng Gulf Air nang maganap habang ang biyahe ay nasa ibabaw ng India airspace noong nakaraang Biyernes Santo.

Paglapag ng NAIA Terminal 3 sinalubong mga tauhan ng OWWA ang napaanak na OFW at dinala sa ospital gamit ang ambulansiya.

Sa ngayon, maayos na ang kalagayan ng mag-ina.