Nasawi ang dalawang miyembro ng New People’s Army (NPA) sa pakikipaglaban sa mga puwersa ng gobyerno sa Guinyangan, Quezon.
Kinilala ang nasawi na sina alyas Joy at alyas Ramon/ Isko, habang isang sundalo naman ang nasugatan sa nasabing insidente.
Sa inisyal na ulat ng Philippine Army (PA), muling nakasagupa ng tauhan ng 85th Infantry “Sandiwa” Battalion ang ang mga miiyembro ng Platun Reymark, SRMA-4B, STRPC sa Barangay San Jose dakong alas-6:20 ng umaga nitong Huwebes Santo, Marso 28. \
Narekober sa pinangyarihan ng engkwentro ang tatlong high-powered firearms na pinaniniwalaang iniwan ng mga rebelde.
Magugunita na noon nakaraang Lunes nagtangkang pumasok sa bayan ng Calauag ang naturang grupo ng mga rebelde subalit naharang sila ng mga puwersa ng gobyerno.
Nananatiling alerto ang militar dahil posibleng nagtatago pa sa lugar ang mga terorista na nagdulot ng kaguluhan sa kapayapaan ng Guinayangan at buong lalawigan ng Quezon.
Patuloy din ang pagsasagawa ng mga otoridad ng checkpoints at monitoring sa mga ospital at clinic, gayundin ang pakikipag-ugnayan sa mga alkalde hanggang sa mga opisyal ng barangay upang masiguro na ligtas ang mga residenteng malapit na pinangyarihan ng engkwentro.