Babae inasunto sa bomb joke sa Puerto Galera

By: Jan Escosio - 8 months ago

Huli na ang pagsisisi ng isang babae na nagbitaw ng “bomb joke” sa Puerto Galera Passenger Terminal Building. (PPA PHOTO)

Inaresto ng mga tauhan ng Philippine Ports Authority (PPA) at lokal na pulisya ang isang babae dahil sa bomb joke sa Port of Puerto Galera sa Oriental Mindoro.

Base sa impormasyon mula sa PPA papasok sa Passenger Terminal Building ang babae kahapon nang magbiro na may dala siyang bomba.

Sinabi niya ito habang nakapila sa baggage x-ray machine sa naturang terminal.

Agad siyang kinausap ni Port Police Officer II Javel Cuento at lumapit na ang mga tauhan ng Philippine Coast Guard (PCG) at pulis.

Sa istasyon ng pulisya, sinampahan na siya ng kasong paglabag sa PD 1727 o ang Anti-Bomb Joke Law.