Sa harap ng tinatayang 200,000 katao kahapon sa Quirino Grandstand, sinabi ni Pangulong Marcos Jr., na walang pangsariling-agenda ang “Bagong Pilipinas.”
“Bagong Pilipinas is not a new partisan coalition in disguise. It is a set of ideals that all us Filipinos, regardless of political creed or religion or wealth, can coalesce around. Bagong Pilipinas transcends this administration. To those whose overheated imagination has been poisoned by toxic politics, Bagong Pilipinas is no Trojan Horse. It conceals no agenda,” sabi ni Pangulong Marcos Jr.
Aniya ang “Bagong Pilipinas” ay para sa maayos na pagsisilbi sa taumbayan.
Sinabi pa niya na marami sa ating mga kababayan ang tunay na nagsusumikap at nagmamalasakit para mapatunayan na mapapagtagumpayan ang mga hamon at kawalan ng pag-asa.
“Sila ang nagpapawalang bisa sa mga maling haka-haka at paniniwala. Ang mga nababanggit ko, mga bayani, ang patunay na kahit gaano kahirap ang hadlang, kaya nating umunlad at magwagi,” sabi pa ng Punong Ehekutibo.