Mahigit 700 drug suspects, sumuko sa mga pulis sa Rizal

Tinatayang aabot sa 768 na drug suspects, kabilang ang mga gumagamit at nagtutulak, ang sumuko sa mga pulis sa probinsya ng Rizal, araw nig Biyernes.

Ayon kay Rizal Provincial Director Police Senior Supt. Adriano Tablacion Enong Jr., pinanumpa pa nila ang mga ito na hindi na sila muling babalik sa kanilang bisyo at mga iligal na aktibidad.

Isasailalim naman sa mga kaukulang proseso ang mga sumukong drug suspects upang malaman kung aling istasyon ng pulis ang mag-aasikaso sa kanila.

Tutukuyin pa rin nila kung anong tulong ang maari nilang maibigay sa mga ito bukod sa rehabilitasyon.

Sa mahigit 700 na sumuko, 152 sa kanila ay pawang mga residente ng Antipolo.