Inanunsiyo Manila Electric Company (Meralco) ang pagtaas ng halaga ng kuryente ngayon unang buwan ng taon.
Ayon sa Meralco karagdagang 8.46 sentimos kada kilowatt-hour (kWh) ang papatong sa overall rate para sa isang kabahayan sa ₱11.3430 per kWh mula ₱11.2584 per kWh noong nakaraang buwan.
“For residential customers consuming 200 kWh, the adjustment is equivalent to a minimal increase of around ₱17 in their total electricity bill,” ayon sa abiso ng power distribution company.
Ang karagdagang singil ay bunga ng pagtaas ng generation charge ng 11.36 sentimos sa P6.6468 per kWhmula P6.5332 per kWh noong Disyembre dahil sa pagtaas ng halaga ng kuryente mula sa Wholesale Electricity Spot Market (WESM) at Independent Power Producers (IPPs).
Nabatid na ang pagtaas ng singil ng WESM ay dahil sa pagtaas ng average capacity sa outage sa Luzon grid na tumaas ng 418 MW.
Samantala, ang pagtaas sa singil ng IPPs ay dahil nadagdagan ₱0.1384 per kWh ang fuel costs ng First Gas Sta. Rita at San Lorenzo na nagresulta sa paggamit ng imported liquefied natural gas (LNG).