Inabisuhan ng Manila International Airport Authority (MIAA) ang mga pasahero na patungo sa Haneda Airport sa Tokyo, Japan na makipag-ugnayan sa kanilang airline company para sa kanilang “flight status.”
Kasunod na rin ito nang pagpapasara ng runways sa naturang paliparan bunga ng nangyaring aksidente.
May direct flight mula NAIA patungong Haneda Airport ang Philippine Airlines (PR), Japan Airlines (JL), at All Nippon Airways (NH).
May mga biyahe na naantala, samantalang may biyahe ang All Nippon Airways NH870 (MNL-HND) ang lumapag sa Kansai Airport.
Magugunita na lima ang nasawi nang masunog ang isang Japan Airlines plane nang bumangga sa isang earthquake relief aircraft kahapon.
Nakaligtas ang lahat ng 379 sakay ng JAL flight 516 samantalang ang mga nasawi ay sakay ng relief aircraft ng Japan Coast Guard.