Online Gambling, pinahihinto ni Pres. Duterte

 

Ipinahihinto ni Pangulong Rodrigo Duterte ang online gambling sa bansa.

Sa kauna unahang cabinet meeting, sinabi ni Duterte na ito ay para mapigil ang paglipana ng sugal sa bansa.

Ayon kay Duterte, hindi rin kasi alam ng pamahalaan kung paano sisingilin ng buwis ang mga nasa online gambling.

Kasabay nito, Idinagdag ni Pangulong Duterte na dapat na maaresto ang mga fixers sa lahat ng government office.

Una rito, ipinag utos ni Duterte sa kanyang gabinete na bawasan ang mga requirement at processing time sa mga aplikasyon sa pamahalaan.