28,000 na trabaho alok sa job fair sa Disyembre

 

Magsasagawa ng nationwide job fair ang Department of Labor and Employment sa buwan ng Disyembre.

Gagawin ang job fair sa 21 lugar mula sa 15 rehiyon.

Nasa mahigit 28,000 na trabaho ang alok sa job fair.

Kabilang sa mga alok na trabaho ang customer service representatives, production workers/operators, cashiers, baggers, laborers, carpenters, painters, casino dealers, at service crew.

Pinapayuhan ang mga aplikante na magdala ng resume o curriculum vitae, certificate of employment sa mga dati nang may trabaho, diploma, transcript of records, at training certificates.