Senior citizens sa QC tumanggap ng regalo

 

May maagang pamaskong handog ang lokal na pamahalaan ng Quezon City sa mga senior citizens.

Ayon kay Quezon City Mayor Joy Belmonte, nasa 1,935 na senior citizens mula sa District 2 ang nabigyan ng regalo.

Samantala, nasa 3,000 na Barangay Public Safety Officer (BPSO) volunteers mula sa Brgy. Bagong Silangan, Brgy. Batasan Hills, at Brgy. Payatas ang nakatanggap ng Christmas bags.

Isinagawa ang pamamahagi sa Commonwealth Heights Covered Court sa pangunguna ni Action Officer Atty. Bong Teodoro.

Hindi rin pinabayaan ng lokal na pamahalaan sa Pamaskong handog ang mga Muslim.

Nasa 2,500 na Christmas bas ang ipinamahagi nina District 6 Action Officer Mark Aldave at DC Ronald Tolentino sa mga residente ng Salam Compound sa Brgy. Culiat.