Duterte hindi pa-‘hard to get’ kay Robredo – Bong Go

 

Nilinaw ng executive assistant ni incoming President Rodrigo Duterte na hindi totoong “hard to get” ang sunod na pangulo sa pakikipagkita kay Vice President-elect Leni Robredo.

Ayon kay Christopher Go, pumayag na si Duterte na makapulong si Robredo at nakatakda sana itong mangyari noong nakaraang araw sa Davao City.

Ngunit hindi ito natuloy dahil nag-back out naman si Robredo dahil aniya pumunta ito sa ibang bansa.

Kaya giit ni Go, hindi pa-hard to get si Duterte dahil pumayag naman ito ngunit ito ay naudlot.