Naisapinal na ng pamahalaan ng implementing rules and regulations (IRR) sa Maharlika Investment Fund.
Ayon kay Pangulong Ferdinand “Bongbong” Marcos Jr. naisapinal ang IRR matapos ang pagpupulong sa Palasyo ng Malakanyang.
Sabi ni Pangulong Marcos, matapos ang IRR, agad na itatag ang corporate structure para agad na maging operational na ang MIF.
“The Implementing Rules and Regulations of Maharlika Investment Fund have been finalized. Upon our approval, we’ll swiftly establish the corporate structure, getting the MIF up and running,” pahayag ni Pangulong Marcos.
Matatandaang ipinangako ni Pangulong Marcos na aarangkada ang MIF bago matapos ang taong kasalukuyan.
Ilang beses nang ibinida ni Pangulong Marcos ang MIF sa mga dayuhang mamumuhunan.