P2/L bawas sa gasolina, P0.40/L taas sa krudo bukas

Magkaiba ang magiging paggalaw bukas, Okture 3,  sa presyo ng gasolina at krudo o diesel.

Matatapyasan ng P2 ang halaga ng bawat litro ng gasolina, samantalang madadagdagan naman ng P0.40 kada litro ang diesel.

Ang kerosene naman ay mababawasan ng P0.50 kada litro ang presyo.

Tanging ang Seaoil, Cleanfuel, Petro Gazz, Phoenix, Caltex at PTT pa lamang ang may anunsiyo sa paggalaw ng presyo ng kanilang mga produktong-petrolyo bagamat inaasahan na susunod din ang iba pang kompaniya ng langis.

Base sa monitoring ng  Department of Energy, ngayon taon tumaas na ng P17.30 ang presyo ng gasolina, P13.40 naman sa diesel at P9.44 sa kerosene.