1,100 pa ang nawawala sa Maui wildfire

Dalawang linggo makalipas ang wildfires sa Maui, Hawaii, tinatayang may 1,100 katao pa ang nawawala.

Ang US Federal Bureau of Investigation (FBI) ay humingi na ng tulong sa mga nawawalan ng kapamilya para makilala ang mga labi ng mga nasawi.

Sa pinakahuling tala, 115 ang kumpirmadong nasawi, kabilang ang dalawang Filipino.

Ang bayan ng Lahaina, na may 12,000 residente, ay nabura na sa mapa.

Nagtutulong-tulong na ang FBI, ang lokal na pulisya at ang Red Cross para makilala na ang iba pang nasawi.