98 na ang patay sa tornado at hailstorm sa China

Umabot na sa 98 ang nasawi at halos 800 ang sugatan sa patuloy na pananalasa ng hailstorm at tornado sa Jiangsu province sa China.

Ang pananalasa ng tornado sa Jiangsu ay may kaakibat na malakas na buhos ng ulan.

Umaabot sa 125kph ang nararanasang lakas ng hangin.

Ayon sa ulat ng news network sa China, inaasahan pa ang mas malalakas na pag-ulan, pagtama ng hailstorms at tornadoes.

Naglunsad na rin ng rescue operations sa mga indibidwal nan a-trap sa loob ng kanilang mga bahay.

May mga nagbagsakan ding poste, puno at may mga sasakyang bumaligtad dahil sa sobrang lakas ng hangin.

Karamihan sa mga nasawi ay dahil sa pagbaha na naidulot ng malakas na pag-ulan.