Mas mababang July inflation inaasahan ng Bangko Sentral

Tinataya ng Bangko Sentral ng Pilipinas na mas mababa ang inflation noong nakaraang buwan. Sa pahayag ng BSP, maaring nasa pagitan ng 4.1 porsiyento hanggang 4.9 porsiyento ang mairerehistrong July inflation. Ito ay mababa sa 5.4% inflation noong nakaraang buwan. Ang pagbaba, ayon sa BSP, ay bunga ng mababang halaga ng kuryente, mas murang cooking gas, prutas at isda. Ngunit naipunto din ang mataas na presyo ng bigas, gulay at produktong petrolyo.