Isang mock session ang isinagawa sa kamara ngayong araw ng Huwebes, para sa mga bagitong kongresista ng 17th Congress.
Ayon kay House Secretary General Marilyn Barua Yap, ang mock session ay ginawa upang personal na maranasan at maramdamam ng mga baguhang Mambabatas kung ano ang nangyayari tuwing may sesyon sa Mababang Kapulungan.
Ginanap ang mock session sa plenary hall kung saan tumayo ring kunwaring mga Kongresista ang ilang staff ng Kamara.
Dito’y nagkaroon ng kunwaring privilege speech ang isang Mambabatas at meron ding nag-interpelate.
Ang mga dumalong Kongresista ay kabilang sa unang batch ng mga House Members na sumailalam sa apat na araw na Executive Course on Legislation.
Ngayong araw din ang closing rites o graduation ng mga Kongresista matapos makumpleto ang kanilang course.
Kabilang sa unang batch ng mga mambabatas ay sina Atty. Harry Roque ng Kabayan Partylist, Sarah Elago ng Kabataan Partylist, Yul Servo na kinatawan ng Maynila.
May susunod pang dalawang batches ng mga kongresista na sasalang sa mock session sa susunod na dalawang linggo.