Ang pagbabara sa kubeta ay maaring senyales ng umaapaw na poso-negro, ayon sa Manila Water.
Kayat ang payo ng water concessionaire, tangkilikin ng kanilang mga kustomer ang libreng “desludging service.”
Ngayon Hulyo, magtutungo ang siphoning trucks ng Manila Water sa maraming barangay sa lungsod ng Maynila para sa libreng pagsipsip ng poso- negro sa mga kabahayan.
Gayundin sa ilang barangay sa Makati City, San Juan City, Taguig City, Mandaluyong City, Quezon City; Montalban, Cainta, Binangonan, Angono, at Taytay sa Rizal.
Pinayuhan ang mga kustomer na makipag-ugnayan sa mga opisyal ng kanilang barangay para sa iskedyul.
Pagtitiyak pa ng Manila Water na ang kanilang desludging servuce ay alinsunod sa mga itinakdang pamantayan ng Department of Environment and Natural Resources (DENR) at Laguna Lake Development Authority (LLDA).