Isang volcanic earthquake, 59 rockfall events naitala sa Bulkang Mayon

 

Nagkaroon ng isang volcanic earthquake at 59 rockfall events sa Bulkang Mayon sa nakalipas na 24 oras.

Ayon sa website ng Philippine Institute of Volcanology and Seismology, nanatili sa Alert Level 3 ang bulkan.

May nakitang banaag o crater glow sa bulkan.

Nasa 417 tonelada ng sulfur dioxide flux ang ibinuga ng bulkan kahapon.

Ayon sa Phivolcs, katamtamang pagsingaw ng plume ang ibinuka ng bulkan at napadpad sag awing timog silangan.

Sa ngayon, namamaga ang bulkan o ground deformation.

Pinapayuhan ng Phivolcs ang mga residente na umiwas sa anim na kilometrong radius permanent danger zone at paglipad ng anumang uri ng aircraft malapit sa tuktok ng bulkan.