Inabisuhan na ng Department of Health (DOH) ang mga ospital na maghanda dahil sa lumulubong bilang ng mga nahahawa ng COVID 19.
Ngunit, paalala ni Health officer-in-charge Maria Rosario Vergeire walang dahilan para mag-panic ang publiko dahil karamihan naman sa mga bagong tinamaan ng COVID 19 ay asymptomatic o nakakaranas lamang ng mild symptoms.
“We have advised our hospitals to be prepared so that when there are additional admissions, they will be prepared at meron tayong additional COVID-19 beds. So yung COVID-19 wards, nandoon naman talaga at hindi siya isinara,” ani Vergeire.
Huli niyang ibinahagi na siyam na porsiyento sa mga may taglay ng naturang sakit ang kritikal.
Samantala, 20 porsiyento lamang ng kabuuang bilang ng pasilidad para sa COVID 19 patients sa buong bansa ang okupado.