Dagdag water facilities ihinirit ni Senador Bong Go

Humihirit si Senador Bong Go sa pamahalaan na dagdagan pa ang pagpapatayo sa mga imprastraktura na may kinalaman sa pagpapatayo sa mga water facilities. Pahayag ito ni Go sa gitna ng nakaambang El Nino sa bansa. Nangangamba si Go na hindi sapat ang buhos ng ulan para matugunan ang pangangailangan sa suplay ng tubig lalo na sa irigasyon sa mga sakahan. Ikinatuwa rin ni Go ang alok na libreng irigasyon ng pamahalaan sa mga magsasaka. Sabi ni Go, malaking tulong ito para sa mga magsasaka na ma bawasan ang kanilang gastusin.