Nag-aatubili umano ang pamilya ni incoming PNP Chief C/Supt. Ronald dela Rosa na lumipat dito sa Metro Manila.
Ayon kay dela Rosa pipilitin niyang sumama na sa kaniya ang asawa at mga anak upang makapag focus umano siya sa trabaho
Iginiit ni Bato na mas mabuting malapit sa kaniya ang pamilya para hindi na umano niya iniisip ang kalagayan ng mga ito sa probinsiya.
Paliwanag ng opisyal, hindi umano niya binabalewala ang P1 Billion na pot money na pinag-ambagan ng mga drug lords na nagbabanta sa kaniyang buhay na maaring ibaling sa kaniyang pamilya.
Sa June 30 pormal nang mauupo sa pwesto bilang Chief PNP si dela Rosa at bilang pinakamataas na opisyal ng pambansang pulisya ay sa tinaguriang White House sa Camp Crame ito inaasahang titira.