Tatayong testigo si Senate minority leader Juan Ponce Enrile kaugnay sa ipinaglalaban na P139 Million retirement benefits ng mga retiradong miyembro ng Public Attorneys Office (PAO).
Ayon kay PAO Chief Persida Rueda Acosta, haharap si Enrile sa sala ni Quezon City Regional Trial Court Judge Hilda Loja Pangilinan sa araw ng Biyernes.
Partikular na babanatan ni Enrile ang Department of Budget and Management dahil sa pag-ipit nito sa pondo para sa mga PAO retirees.
Bukod kay Enrile, tatayo ring testigo si dating Bayan Muna Rep. teddy Casiño na siyang may akda ng PAO Law Sa Kamara.
Labing-anim na PAO retirees ang naghain ng reklamo laban kina Budget Sec. Butch Abad at Budget Chief Legal Adviser Atty. Candice Ruiz.
Inihihirit ng mga petitioners na bayaran sila nina Abad at Ruiz ng P400,000 piso para sa exemplary damages at P400,000 piso para sa moral damages.