P400.724 milyong halaga ng shabu, nasabat

Nasabat ng mga tauhan ng Bureau of Customs (BOC) ang P400.724 milyong halaga ng shabu sa Pair Cargo Warehouse sa Pasay City.

Ayon kay BOC Commissioner Bienvenido Rubio, galing ang kargamento sa Guinea, Africa.

Nakalagay aniya ang illegal na droga sa spare parts.

Nasa 58.93 kilo ng shabu ang nasabat ng BOC.

Sabi ni Rubio, nagsasagawa na ng imbentaryo ang Philippine Drug Enforcement Agency sa mga nakumpiskang illegal na droga.