Higit P1 kada litro tatapyasin sa gasolina, krudo; P2 sa kerosene

By: Jan Escosio - 1 year ago

Simula bukas, isang linggo na mababa ang presyo ng gasolina at krudo.

Nag-anunsiyo ang mga kompaniya ng langis ng bawas-presyo sa kanilang mga produkto.

Ang Seaoil, Petro Gazz, Caltex, PTT at Phoenix Petroleum ay nag-anunsiyo na mababawasan ng P1.20 ang presyo ng kada litro ng kanilang gasolina at P1.85 naman sa diesel o krudo.

Ang Seaoil at Caltex sinabi na P2 kada litro ang mababawas sa kanilang kerosene.

Sa monitoring ng Department of Energy, P1 na ang year-to-date na kabawasan sa halaga ng diesel.

Samantala, ang gasolina naman ay may tumaas na ng P6.70

Alas-12:01 mamaya ang simula nang pagbaba, samantalang ang ilang kompaniya naman ay ala-6:01 ang ipapatupad ang price rollback.