Red tide ibinabala sa ilang lugar

Positibo sa Paralytic Shellfish Poison (PSP) o toxic red tide ang ilang lugar sa bansa.

Ayon sa Bureau of Fisheries and Aquatic Resources, positibosa red tide ang baybaying dagat Dauis at Tagbilaran City sa Bohol: Dumanquillas Bay sa Zamboanga del Sur; at Lianga Bay sa Surigao del Sur.

Pinagbabawalan ang mga residente na kumain ng lahat ng uri ng shellfish at Acetes sp. o alamang sa mga nabanggit na lugar.

Maari namang kainin ang isda, pusit, hipon at alimango basta’t siguraduhin lamang na niluto at hinugasan ng maayos. Kinakailangan din na tanggalin ang hasang at kaliskis.

Ligtas naman na ngayon sa red tide ang baybaying dagat ng Milagros, Masbate.