Limang Japanese nasagip ng PCG sa Oriental Mindoro

 

Nasagip ng mga tauhan ng Philippine Coast Guard ang limang Japanese sa Silonay Island sa Calapan, Oriental Mindoro.

Ayon sa PCG,  nasiraan ang MV Catriona fishing vessel na sinasakyan ng limang Japanese.

Nakilala ang mga Japanese na sina Osamu Kawakami, 74 anyos, Itsuo Tamura, 86 anyos, Hiromu Nishida, 83 anyos at Hamagato Tsukasa, 80 anyos.

Galing ng Japan ang lima at patungo sana ng Davao nang mabutasan ang barko.

Nakatanggap ng distress call ang PCG kung kaya agad na nagsagawa ng search and rescue operation.