Mahigit 900 mahihirap na pamilya sa District 4 sa Quezon City ang nabigyan ng libreng PhilHealth coverage.
Ayon kay Quezon City Mayor Joy Belmonte maaaring magamit ng mga benepisyaryong QCitizen ang kanilang PhilHealth ID sa pagpapakonsulta sa doktor, health risk screening and assessment, at piling laboratory tests at gamot.
Mismong si Belmonte ang namigay ng kanilang membership ID, kasama sina District 4 Action Officer Al Flores, Mr. Jose Sidfry Panganiban ng Philhealth QC, at Eileen Velasco ng SSDD – Community Outreach Division.
Target ng lokal na pamahalaan na mabigyan ang aabot sa 23,000 mahihirap na pamilyang QCitizen ng libreng Philhealth membership upang mawala na ang kanilang pangamba sa gastusin kung sakaling may maospital na miyembro ng kanilang pamilya.