Unang kaso ng Omicron XBF magaling na – DOH

 

 

Napabilang na sa mga ‘recovered’ ang unang tinamaan ng Omicron subvariant XBF sa bansa, ayon sa Department of Health (DOH).

Nabatid na nakaranas lamang ng mild symptoms ang pasyente hanggang sa ito ay gumaling.

Wala din ‘travel history’ ang pasyente, dagdag pa ng DOH.

Sa naunang pahayag ng kagawaran, noon lamang Enero 28 na-‘sequenced’ ang nakolektang specimen mula sa pasyente noong Disyembre.

Kombinasyon na ng Omicron variants ang XBF at ito ang itinuturong dahilan nang pagdami ng COVID 19 cases sa Australia at Sweden.

“Further, global experts are still characterizing the variant in terms of transmissibility, immune evasion, and ability to cause more severe disease,” pahayag ng DOH.