China mahalaga kay Pangulong Marcos Jr.

Davos, Switzerland—Itinuturing ni Pangulong  Marcos Jr. na pinaka-importanteng trading partner ngayon ang China.

Sa one-on-one dialogue ni Pangulong Marcos Jr., kay World Economic Forum President Børge Brende, sinabi na ang China kasi ang pinakamalaking partner ngayon ng bansa.

 “Yes, they are largest. Right now, they’re our largest trading partner,” pahayag ng Pangulo.

Kasunod aniya ang Singapore dahil sa malaking foreign direct investment sa bansa, Japan, Korea at Amerika.

Ayon pa sa Pangulo, malaki na ang ipinagbago ng China mula nang mabisita niya ang bansa kasama ang kanyang amang si dating Pangulong Ferdinand Marcos at inang si dating First Lady Imelda Marcos.