Sinuri ng mga opisyal ng Toll Regulatory Board (TRB) ang 14-kilometer operational segment ng Cavite-Laguna Expressway (CALAX) kamakailan.
Pinamunuan ni TRB officer-in-charge Josephine Turbolencia ang inspection sa technological, safety, security features, toll plaza operations, kasama na ang Automatic License Plate Recognition (ALPR) cameras at RFID system sa CALAX.
Binisita na rin ang ginagawa Silang (Aguinaldo) segment na nahinto ang konstruksyon dahil sa isyu ng right-of-way.
“While we work closely with our grantor, DPWH to fast-track delivery of right-of-way, especially in the critical area in Silang, we continue to do construction work on areas where right of way has already been granted so as not to further delay the project” sabi ni MPCALA President Raul Ignacio.
Kapag natapos ang kabuuan ng CALAX hanggang sa Aguinaldo Highway, mapapaluwag nito ang mga pangunahing lansangan sa Cavite at Laguna.
Pahahabain ang CALAX ng 45 kilometro para dumugtong naman sa CAVITEX.
Sa ngayon, nadadaanan na ang bahagi ng CALAX mula sa Mamplasan sa lungsod ng Binan at ang interchanges sa Laguna Technopark, Laguna Boulevard, Santa Rosa-Tagaytay Road hanggang Silang East.