Ayon kay Manila Fire Marshall Supt. Jaime Ramirez, bago pa man pumasok ang buwan ng Hunyo hanggang sa kasalukuyan ay nasa isang daan at labing anim na ang mga dormitoryong kanilang na-inspeksyon.
Tatlo sa mga ito ay binigyan nila ng order for stoppage, matapos mabigong maabot ang safety standard at makatugon sa notice to correct violation.
Aniya, katuwang nila sa pag-iikot at pag-iinspeksyon ang mga tauhan ng Manila City Hall, na magpapatuloy hanggang sa huling araw ng Hunyo.
Sa Lunes, nakatakda namang sumailalim sa pag-iinspeksyon ang mga dormitoryo na nasa loob at nakapalibot sa University Belt.